आज : २०७४ कार्तिक २ बिहीबार|समय : ०९:११

अर्थ

  • नेपालमा उत्पादित दुग्धजन्य पदार्थ चीनतर्फ निकासी, कृषकहरु उत्साहित

    धादिङ, साउन १४ । उत्तरी धादिङको रुविभ्याली गाउँपालिकास्थित तिप्लिङका किसान दुग्धजन्य पदार्थ उत्पादनमा आकर्षित हुन थालेका छन् ।

    यहाँ उत्पादित दुग्धजन्य पदार्थ छिमेकी मुलुक चीनतर्फ निकासी हुन थालेपछि किसान यसतर्फ आकर्षित भएका हुन् ।

    यहाँका चौरी पालक किसानले उत्पादन गरेको चौरीको घिउ र दूधबाट उत्पादित विभिन्न परिकार चीनमा निर्यात हुने गर्छ ।

    दुग्धजन्य पदार्थको माग बढ्दै गएपछि यहाँका किसान मिलेर डेरी उद्योगसमेत सञ्चालनमा ल्याएका छन् ।

    उद्योगले प्रतिलिटर ५० रुपैयाँका दरले दूध किन्ने गरेको छ । चौरीको दूधबाट बनाइएका छुर्र्पी, घिउ र चिज नेपाली ठेकेदारले संकलन गरी निकासी गर्ने गरेका छन् ।

    किसानबाट संकलित दूधबाट उत्पादिन विभिन्न सामाग्री बिक्रीवितरण गरेर यहाँका उद्योगले मासिक ६ लाख रुपैयाँसम्म आम्दानी गर्ने गरेका छन् ।

    तिप्लिङको पसाङ क्षेत्र चौरीपालनका लागि उपयुक्त भएकाले व्यावसायिक चौरीपालनमा सरकारले सहयोग गर्नुपर्ने माग किसानले राखेका छन् ।

http://radiosaligram.com.np/