आज : २०७४ असार ११ आइतबार|समय : १२:५३

मनोरंजन

  • प्रदर्शन अघिनै चलचित्र ‘प्रेमगीत-२’ को क्लाइमेक्स सिन बाहिरियो

    ठूलो लगानीमा सन्तोष सेनले निर्माण गरेको चलचित्र ‘प्रेमगीत-२’को प्रदर्शन अघि नै महत्वपूर्ण सिनहरु सार्बजनिक भएका छन् ।

    साउन १३ गते प्रदर्शनमा आउन लागेकोचलचित्रका केहि क्लाइमेक्स सीनहरु लिक भएको छ । सुटिङ सेटबाट क्लाइमेक्स सिन बाहिरिएको हो ।

    फेसबुक मार्फत एक व्यक्तिले ती तस्विरहरु सार्वजनिक गरेका हुन् । तस्विरमा निर्माता सन्तोष सेन र अभिनेता प्रदिप खड्का विल्कुलै फरक अवतारमा देखिएका छन् ।

    प्रदिप खड्का र अश्लेषा ठकुरी मुख्य भूमिकामा रहेको फिल्मको क्लाईमेक्स सिनलाई निकै महत्वपूर्ण भन्दै लुकाउन खोजिएको थियो ।

    तर त्यही सीन नै भएपछि फिल्मको प्रचारमा सहयोग पुग्ने हो या घाटा लाग्ने हो त्यो त रिलिज भएपछि मात्र थाहा हुनेछ । तर तस्वीर लिक भएपछि दर्शकमा कौतुहलता भने थपेको छ ।

    यता फिल्मका नायक प्रदिप खड्काले पनि क्लाइमेक्स सिन लिक भएकोमा आपत्ति जनाउँदै सेटमा काम गर्न आउनेले नै लिक गरेको हुनसक्ने आशङ्का फेसबुकमा राखेका छन् ।

    गत वर्षको सफल फिल्म ‘प्रेम गीत’ को सिक्वेललाई रामशरण पाठकले निर्देशन गरेका हुन् ।

     

http://radiosaligram.com.np/